(एजेन्सी) : बेलायती सिंगल बोर्ड कम्प्युटर निर्माता कम्पनी रास्प्बेरी पी फाउण्डेशनले मात्र ५ डलरको कम्प्युटर सार्वजनिक गरेको छ । मात्र ६.५ सेन्टिमिटर रहेको उक्त कम्प्युटर कम्पनीले आफ्नो मंथली म्यागाजिनसँग फ्रिमा दिनेछ ।
कम्पनीले यो कम्प्युटरको नाम पि जिरो राखेको छ । यो कम्प्युटर लिनक्स प्लेटफर्ममा बनेको रास्प्बियन अपरेटिङ सिस्टम चलेको थियो । यसमा १ गिगाहर्ज भएक कम्प्युटरमा ५१२ एमबी र स्टयान्डर्ड युएसबी पोर्ट रहेको छ । साथै यसले माइक्रो एसडी कार्ड पनि सपोर्ट गर्छ, जसबाट यसको मेमोरी बढाउन सकिन्छ ।
क्रेडिट कार्डभन्दा पनि सानो यो डिभाइसमा एचडिएमआई पोर्ट पनि रहेको छ, जसले १०८० पिक्सेलको रिजोलुशन स्क्रिन भएको मोनिटर सपोर्ट गर्छ । रास्प्बेरी पी बेलायतमा सबैभन्दा बढी बिक्री हुने कम्प्युटर हो । अहिले पि जिरो भने अमेरिका र बेलायतका केही स्थानबाट बिक्री गरिँदैछ ।