27 C
Kathmandu
Sunday, March 7, 2021
2021 Mar 07, Sunday 10:54

TRENDING .

उपराष्ट्रपतिमा पुन र यादवबीच प्रतिस्पर्धा

- Advertisement -
 
काठमाडौं:  उपराष्ट्रपति पदमा आज उम्मेदवारी दर्ता र भोलि मतदानको कार्यक्रम छ ।उपराष्ट्रपतिमा चारजनाको  उम्‍मेदवारी परे पनि दुईजनाले फिर्ता लिएका छन्।
नेपाली  कांग्रेसका तर्फबाट अमियकुमार यादवले उम्मेदवारी दर्ता गरेका छन् ।एमाओवादीसहित सत्तारुढ गठबन्धनको तर्फबाट एमाओवादीका नन्दकिशोर पुन पासाङले उम्मेदवारी दर्ता गर्दैछन् । यसैगरी स्वतन्त्र सांसद अतहर कमाल मुसलमान र परिवार दलका दयाराम कँडेललेले उपराष्ट्रपति पदमा उम्मेदवारी दर्ता गराए पनि दुवैले फिर्ता लिएका छन्।
उपराष्ट्रपतिको उम्मेदवारी तय गर्न बालुवाटारमा बसेको उच्चस्तरीय बैठकमा केही विवाद भएको थियो। साना दलहरुले मधेसी तथा दलित समुदायबाट उपराष्‍ट्रपति बनाउनुपर्ने माग राखेका थिए।

तर प्रचण्डले उपराष्ट्रपतिमा भइसकेको सहमति भत्किए गठबन्धन नै खतरामा पर्ने चेतावनी दिएपछि एमाले सहमत भएको थियो।विवादबीच नै पुनको उम्मेदवारी दिने निर्णयसहित बैठक टुंगिएको थियो।ठूला दलले मात्रै पद बाँडेको भन्दै साना दलहरुले असन्तुष्टी पोखेका थिए।

पुनको प्रस्तावकमा पूर्वप्रधानमन्त्री झलनाथ खनाल छन् भने समर्थकमा राप्रपा नेपालका दिलानाथ गिरीलगायत छन्। उम्मेदवारी दर्ताका लागि प्रधानमन्त्री, प्रचण्डलगायतका नेताहरु संसद्‍ भवन पुगेका थिए।

उपराष्ट्रपति पदको निर्वाचन पनि राष्ट्रपतिसँगै कात्तिक ११ गते तोकिए पनि पहिले राष्ट्रपति निर्वाचनको परिणाम हेर्नुपर्ने भएकोले शनिबारका लागि सारिएको हो। शनिबार बिहान ११ बजेदेखि मतदान सुरु हुने भएको छ। व्यवस्थापिका–संसद् सचिवालयले यसअघि उपराष्ट्रपति पदको निर्वाचन भोलि बुधबारका लागि तोकेको थियो ।
सचिवालयले आज प्रकाशन गरेको निर्वाचन कार्यक्रमअनुसार उपराष्ट्रपति पदमा राजनीतिक सहमति कायम नभएमा १३ गते १० देखि १ बजेसम्म उम्मेदवारीको प्रस्ताव दर्ता गर्ने, १:३० बजे उम्मेदवारको नामावली प्रकाशित गर्ने, २ बजे उम्मेदवारको नामावलीउपर दाबी विरोध गर्ने, २:३० बजेसम्म उम्मेदवारी फिर्ता लिनका लागि समय निर्धारण गरिएको छ ।
त्यसैगरी उपराष्ट्रपति पदको उम्मेदवारको अन्तिम नामावली सोही दिन ३ बजे प्रकाशन गर्ने, १४ गते शनिबार बिहान ११ देखि २ बजेसम्म गोप्य मतदान हुने, २:३० बजे मतगणना, ४:४५ बजे निर्वाचनको परिणाम सभामुखसमक्ष पेस गर्ने र अपराह्न ५ बजे निर्वाचन परिणाम व्यवस्थापिका–संसद्मा घोषणा गर्ने निर्वाचन तालिकामा उल्लेख छ ।

ताजा खबर

- Advertisement -

Related news

25 टिप्पणी

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्