मंगलबार बिहान बेइजिङ पुगेको टोलीले दिउँसो चीनको विदेश मन्त्रालयका अधिकारीसँग भेटवार्ता गरेको थियो भने बुधबार बिहान चीनको वाणिज्य मन्त्रालय र दिउँसो चाइना नेसनल पेट्रोलियम कर्पोरेसनसँग विस्तृत छलफल गर्ने कार्यक्रम छ ।
नेपाली प्रतिनिधिमण्डल टोलीले अरु छलफलसँगै विदेश मन्त्रालयमा भएको प्रारम्भिक छलफललाई समेत निरन्तरता दिने छ ।
भारतको नाकाबन्दीले इन्धन संकट गहिरिएपछि वैकल्पिक उपाय खोज्ने क्रममा सरकारले चीनका लागि नेपाली राजदूत महेश मास्केको नेतृत्वमा सोमबार आठ सदस्यीय प्रतिनिधिमण्डल बेइजिङ पठाएको हो । काठमाडौंबाट बैंकक हुँदै मंगलबार बिहान बेइजिङ पुगेको टोलीले दिउँसो चीनको विदेश मन्त्रालयका अधिकारीसँग नेपालको अहिलेको इन्धन संकट टार्न चीनबाट हुनसक्ने आपूर्ति व्यवस्थाबारे छलफल गरेको थियो ।नेपालले इन्धन आयातमा भारतको एकाधिकार तोड्दै चीनसँग पहिलोपटक व्यापारिक रुपमा आपूर्ति गर्ने तयारी गरेको हो। नेपाली टोलीले चीनको विदेश र वाणिज्य मन्त्रालय तथा पेट्रो–चाइनासँग आपूिर्त गर्न सक्ने इन्धनको परिमाण, मूल्य, रुट र समयबारे विस्तृत छलफल गरी सम्झौता गर्न सक्नेछ ।
- Advertisement -
- Advertisement -
- Advertisement -