27 C
Kathmandu
Monday, September 27, 2021
Your Ad Here  9857041698

उपसभामुखमा राप्रपा नेपालका गंगाप्रसाद यादव निर्विरोध निर्वाचित

- Advertisement -
- Advertisement -spot_imgspot_img

onsari-with-Ganga-yadhv11काठमाडौँ : व्यवस्थापिका–संसद्को उपसभामुख पदमा राष्ट्रिय प्रजातन्त्र पार्टी नेपालका सांसद गङ्गाप्रसाद यादव निर्विरोध निर्वाचित भएका छन् ।

व्यवस्थापिका–संसद्को शुक्रबारको बैठकमा उपसभामुख पदमा एकमात्र उम्मेदवारी रहेकाले यादव निर्विरोध निर्वाचित भएका हुन् । उनलाई निर्वाचित गरियोस् भनी नेकपा (एमाले) का सांसद शत्रुधन महतोले प्रस्ताव प्रस्तुत गरे ।

महतोले वडाध्यक्षदेखि सांसद हुँदै राजनीतिक अनुभव प्राप्त गरेका यादवलाई पदमा निर्वाचित गराउन आग्रह गरे । प्रस्तावलाई समर्थन गर्दै एमाओवादीका सांसद रेखा शर्माले समावेशी र समानुपातिक आधारमा संविधानको कार्यान्वयनका क्रममा निर्विरोध रूपमा सो पदमा निर्वाचित गराउन आग्रह गरे ।

बैठकको अध्यक्षता गरिरहेका ज्येष्ठ सदस्य लक्ष्मण राजवंशीले यादवको पदमा एक मात्र प्रस्ताव कायम रहेकाले निर्विरोध निर्वाचित भएको घोषणा गरे । उनले नवनिर्वाचित यादवलाई बधाई दिँदै सफल कार्यकालको कामना गरे ।

उपसभामुख पदमा नेपाल मजदुर किसान पार्टीका सांसद डिल्लीप्रसाद काफ्लेले उम्मेदवारी दर्ता गराए पनि लिखितरूपमा फिर्ता लिइएकाले यादवको मात्र उम्मेदवारी कायम रहेको थियो । प्रमुख प्रतिपक्षी दल नेपाली काँग्रेसले उम्मेदवारी नदिएपछि निर्विरोध भएका हुन् ।

यही असोज २४ गते प्रधानमन्त्री पदमा निर्वाचन भए पनि शुक्रबारको सभामुख र उपसभामुख निर्विरोध निर्वाचित हुनुले सत्तापक्ष र प्रतिपक्षका बीचको दूरी घट्ने अनुमान गरिएको छ ।

संसद्को अर्को बैठक आगामी कात्तिक ७ गते शनिबार दिउँसो ३ बजे बस्नेछ । रासस

- Advertisement -

ताजा खबर

- Advertisement -spot_img

Related news

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्

error: Content is protected !!