27 C
Kathmandu
Sunday, February 28, 2021
2021 Feb 28, Sunday 11:52

TRENDING .

३२८ घण्टा ४५ मीनेटमा बन्यो संविधान !

- Advertisement -

३ असोज, काठमाडौं । पहिलो संविधानसभाले ४ वर्षमा संविधान दिन नसके पनि दोस्रो संविधानसभाले ६ सय ७ दिनमा संविधान दिएको छ ।

संविधानसभाका अध्यक्ष सुवासचन्द्र नेम्वाङले आइतबार संविधानसभालाई गराएको जानकारीअनुसार संविधानसभाको कुल आयु ६०७ दिन रहेको छ ।

संविधानसभाको बैठक ०७० साल माघ ८ गते बुधबार प्रारम्भ भएको थियो । ०७२ साल असोज ३ गते आइतबार साँझ संविधानसभा आफ्नो काम फत्ते गरेर विघटन भएको छ । संविधानसभा अब व्यवस्थापिका संसदमा रुपान्तरित भएको छ ।

सभाध्यक्ष नेम्वाङका अनुसार संविधानसभाको बैठक १३० दिनमा १३५ पटक बसेको थियो । समयको हिसाबले संविधानसभाको बैठकले जम्मा ३२८ घण्टा ४५ मीनेट संविधान लेखनको खास कार्यमा व्यतीत गरेको थियो ।

संविधान निर्माणका अधिकांश कार्य संविधानसभा अन्तरगत गठित संवैधानिक राजनीतिक सम्वाद तथा सहमति समिति, संविधान अभिलेख अध्ययन तथा निक्र्यौल समिति, संविधान मस्यौदा समिति नागरिक सम्बन्ध तथा संविधान सुझाव समिति र क्षमता अभिवृद्धि तथा स्रोत व्यवस्थापन समितिका बैठकहरुबाट सम्पन्न भई संविधानसभाको पूर्ण वैठकमा पेश भएका थिए ।

ताजा खबर

- Advertisement -

Related news

1 टिप्पणी

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्